30
ARTISTES PARISIENS DU XVIe ET DU XVIIe SIÈCLE.
Troyes, nottaires, le 3oe janvier 1596. La­quelIe maison et terres, appartenances et deppendances d'icelles lesd, parties ont esti­mées à la somme de cinq cens escus sol.
Et partant, led. Senturion futur espoux a doué et doue lad. future espouze de la somme de six cens escuz sol de douaire pre­fix pour une fois paier et sans retour, ou du douaire coustumier, au choix et option de lad. future espouze à l'un desd, douaire, soit prefix, soit coustumier, sy choisy est, avoir et prendre sy tost et incontinent que douaire aura lieu, et à ce faire y a obligé et hipo­thecqué une maison scize en la parroisse de Mauve, appellée le Petit Maretour, concis-tant en maison, fermes, grange, estable, terres labourables et prez avec toutes ses ap­partenances et déppendances, comme gene­rallement sur tous et chacuns ses autres heri­tages et biens meubles et immeubles, presens et advenir, à fournir et faire valloir led. douaire. Le survivant desd, futurs espoux aura et prendra par preciput, assavoir led. futur espoux de ses habitz, armes et che­vaulx, et lad. future espouze de ses habitz, bagues et joyaulx, réciproquement jusques à la somme de cinquante escus, ou lad. somme à leur choix ét option ..........
Et a esté accordé entre lesd, parties que iceulx Franco et sa femme, mère de lad. future espouze, seront tenuz, dans deulx ans du jour des espouzailles, reprendre lad. mai­son et terres cy dessus déclarées, en baillant ausd, futurs espoux lad. somme de cinq cens escus, et à faulte de quoy lesd, mariez la pourront vendre et disposer et en faire comme bon leur semblera, sans que puis après il leur en puisse estre rien imputé, nonobstant qu'il ne fut permis par la coustume du pays, à laquelle et en tant que besoing est, les partyes ont par previllege special et particul­lier desrogé et desrogent.......'......
Faict et passé en la maison desd. Franco
et sa femme, size rue de Tour[n]on, es faulx­bourgs de S' Germain, parroisse S1 Sul­pice, le dimenche 13e jour d'aoust, l'an 16oo, environ les six à sept heures du soir. Et ont tous signé Ia minutte des pre­sentes estant vers led. Herbin, l'un d'iceulx nottaires. Signé : Bobye et Herbin.
Au dessous est la quittance de la somme de 55 p écus, reçue par Gervais Centurion et Isabelle Franco, sa femme, de Jérôme Franco et de sa femme, avec les titres de propriété de lad. maison donnée par ledit Jérôme Franco, du 17 août 16oo.
Suit l'insinuation en date du 9 décembre 16oo. — (Arch, nat., Y 139, fol. 314.)
81. — Contrat de mariage de Jean de La Félon­nière, sieur de Bohn, et de Catherine Franco. fille de Jérôme Franco. — 7 juillet 1 6oq.
Par devant Germain Desmarquetz et Ger­main Tronson, notaires et garde nottes du Roy nostre Sire en son Chastelet de Paris soubzsignez, furent presens et comparurent personnellement noble homme Hierosme Franco, bourgeois de ceste ville, et damoi­selle Françoise Miraillé, sa femme, qu'il auctorize en ceste partie, demeurant à S' Germain-des-Prez, rue du Petit-Lyon, parroisse S' Sulpice lez cestedicte ville, en leurs noms et comme s.tipulans en ceste partie pour damoiselle Catherine Franco, leur fille, à ce presente, et de son consen­tement, d'une part, et Jehan de La Fellon-nière, escuier, sieur de Bohan, majeur de plus de vingt six ans, comme il a dict et affermé, demeurant à Fossoy, près de Chas-teau-Thierry, estant de present en ceste dicte ville de Paris, logé aud. S' Germain, en lad. rue, enseigne de l'Image Nostre-Dame, filz de Nicolas de La Fellonnière, escuier, sr dte Bollan, et de deffuncte damoi­selle Cecille de Gorgyas, jadis sa femme,